ჩვენი ისტორია

სანავარდოს მამულები ნაფარეულის მიკროზონაში, მდინარე ალაზნის, ლოპოტასა და დიდხევის კვეთაზე მდებარეობს – 420 მეტრზე ზღვის დონიდან.

ჯერ კიდევ 1797 წელს ეს მიწა მეფე ერეკლე II-მ გარსევან ჭავჭავაძეს უბოძა, რომლის ვაჟს, ალექსანდრე ჭავჭავაძეს მამულები მემკვიდრეობით ხვდა წილად. მას სწორედ ამ მიწაზე მოჰყავდა ყურძენი და მასპინძლობდა უცხოელ სტუმრებს.

ტერუარი

ადგილობრივი ტერუარის საიდუმლო ერთი მხრივ კავკასიონის მაღალი მთების გავლენით ჩამოყალიბებული მიკროკლიმატი, მეორე მხრივ კი – მდინარეების ჩამონაზიდ შავფიქალზე შექმნილი ხელსაყრელი სითბური რეჟიმია.

სწორედ ამ მიწაზე წარმოებულ საფერავი დაჯილოდვდა პირველი ოქროს მედლით საბჭოთა კავშირში.

ქარხანა

ჩვენი ქარხანა ნაფარეულის მიკროზონის (თელავის მუნიციპალიტეტი) ცენტრში, ამ რეგიონის სტრატეგიულ წერტილში მდებარეობს, რომელსაც მეღვინეობის ხანგრძლივი ისტორია და მე-19 საუკუნის ბოლოს წარმოებული სახელგანთქმული ღვინო გამოარჩევს.

ამჟამად ქარხანაში შესაძლებელია 4,000 ტონა ყურძნის გადამუშავება.

saperavi
2018

წითელი ღვინო

ჩვენი წითელი ღვინოები გამოირჩევა ეგზოტიკური არომატებით, შავი ქლიავისა და ჩირის, კენკრის, ახლადდამზადებული მურაბისა და სანელებლების ტონებით. ღვინის ტრადიციული ქართული მეთოდით (ქვევრში) დამზადების პარალელურად ჩვენ მას ფრანგულ მუხის კასრებში ვავარგებთ. უნიკალურია ჩვენი შირაზის, კაბერნე სოვინიონისა და საფერავის კუპაჟები ტყლაპის, მოხალული წითელი თხილის არომატებითა და ნაზი ტანინებით.

2018

თეთრი ღვინო

თეთრ ღვინოებს შორის განსაკუთრებით გამოვარჩევთ ქისს ციტრუსის ტონებითა და მსუსხავი ტანინებით. განსაკუთრებულია ჩვენი რქაწითელი და წინანდალიც, რომლებიც მსხლისა და თეთრი ატმის, კომშისა და ციტრუსის ნიუანსით ხასიათდება.

tsinandali

ქართული ღვინო

საქართველოში 500-ამდე დასახელების ყურძნის ჯიში და ღვინის წარმოებისათვის ხელსაყრელი პირობებია. აქ ყურძნის წვენის ფერმენტაცია მიწაში დამარხულ თიხის ჭურჭელში (ქვევრში) ჯერ კიდევ ძვ.წ. 4000 წელს დაიწყეს, რასაც არქეოლოგიური მასალაც ადასტურებს. სწორედ ამიტომ ვუწოდებთ საქართველოს ღვინის სამშობლოს.

მამული

სანავარდოს მამული მდიდრული რანჩოა, სადაც სტუმრებს უნიკალური თავგადასავალი ელოდებათ. აქ შესაძლებელია როგორც რთველში ისე პურის ცხობის პროცესში მონაწილეობა, ცხენით ჯირითი და სხვა.

ღონისძიებები

ჩვენთან შესაძლებელია ქორწილის, კორპორატიული საღამოს და სხვა ღონისძიებების ჩატარება. დამატებითი ინფორმაციის მისაღებად, გთხოვთ, მოგვმართოთ ელექტრონული ფოსტის საშუალებით: events@sanavardoestate.ge.

დეგუსტაცია და ტურები

ზაფხული ჩვენთან განსაკუთრებულად დატვირთულია. მსოფლიოს სხვადასხვა კუთხიდან ჩამოსული სტუმრები იღებენ მონაწილეობას მასტერ-კლასებში, სეირნობენ მამულის ტერიტორიაზე ცხენებით თუ ველოსიპედებით. ინდივიდუალური თუ ჯგუფური ტურების შესახებ ინფორმაციის მისაღებად, გთხოვთ, შევასოთ შემდეგი ფორმა: